الاثنين، نوفمبر 03، 2008

جاءنى التاج التالى...

السلام عليكم ورحمه الله وبركاته
وصلنى تاج من الأخ العزيز
الجميل
mohamed ghalia

ودا أول تاج يجيلى
أنا بأشكره عليه جدا
حأجاوب على أسئلته اللى بصراحه صعبة شوية

السؤال الأول:ماهى السعادة من وجهة نظرك؟
انا شايف ان السعادة بتتمثل فى حاجتين
الرضا ومحاولة اسعاد الأخرين
الرضا بمفهومه الشامل
الرضا عن نفسك,أصحابك,أهلك, عملك
و مش معنى الرضا عدم الثورة على الظلم
لأ بس ما تقحمش نفسك فى غيابات الهم

السؤال الثانى: كيف تصل إلى السعادة؟
بطاعه الله تعالى
اتباع أوامره واجتناب نواهيه
و مفيش طريق للسعادة غير كده
السؤال الثالث: هل السعادة وهم أم أنها حلم صعب؟
هى مش كده ولا كده
هو انتا فى حياتك كلها..عمرك ما حسيت انك سعيد؟؟
لا طبعا
بس هى نسبيه و مدتها مش بتطول
لأننا بنصطدم بالواقع المؤلم
اللى أقصده انها موجوده و مش صعبه
بس استمرارها صعب
خصوصا ان حوالينا ناس مش بتحب تشوف حد سعيد
لازم تعكنن عليك بأى طريقه
السؤال الرابع: هل السعادة طريق للنجاح ؟وضح؟
لو كنت تقصد التفاؤل واشراقة النفس...يبقى الاجابه نعم
لأنه بتدفع صاحبها للتغلب على العقبات بسهوله
و بتفتح له أبواب الأمل
لوكنت تقصد غير كده يبقى بصراحه دى بلاهه
السؤال الخامس: ماهى أكثر اللحظات التى شعرت فيها بالسعادة؟
أكتر واحده مش فاكرها
بس ممكن أقولك على أخر مره
كانت امبارح ..كنا بنجيب شبكه خطيبه أخويا
عقبال عندك
كنت سعيد جدا
السؤال السادس:هل ممكن أن تحقق كل شىء؟
دى حاجه مش فى ايدى
دى حاجه بأيد ربنا
و اللى ربنا كاتبه ليا حيكون

السؤال السابع: السعادة تجعلك تقبل على الحياة أم لا؟
طبعا... لو كانت سعادة هادفه
سعادة متبادلة
انما غير كده ..ما اعتقدش
ما المدمن بيبقى سعيد ..وبعدين؟؟
و علشان يبقى سعيد ..بيقتل ويسرق
دى مش سعادة
السؤال الثامن: هل أحسست يوما انك وصلت لقمة السعادة؟
و الله أنا شايف ان دى حاجه نسبيه
يعنى قمة السعادة عندك تختلف عن قمة السعادة عند واحد تانى
و ممكن اللى انتا كنت بتحسبها قمة السعادة
تفرح وتسعد بشكل اكبر منها بعدها
بصراحه انا معرفش قمة السعادة دى عاملة ازاى
علشان كده ما اقدرش أجاوبك وأديك رأيى فى حاجه ما أعرفهاش

السؤال التاسع: لماذا تمر أوقات السعادة بسرعة؟
علشان هى دى سنه الحياة
حبه فوق وحبه تحت
و علشان الناس اللى حواليك
لازم تلاقى فيهم حد يفسد عليك فرحتك
يا اما غيرة يا اما هو كده أصلا
وفى الأخر كله بأمر الله
السؤال العاشر: هل ترى السعادة فى التدين؟
أيوه ..أوف كوبس ..أبسولوتلى
السؤال الحادى عشر: هل أنت متفاؤل وعندك أمل؟ وضح؟
سعات سعات.. بحب عمرى و أعشق الحاجات
اسمع أغنيه صباح حتلاقيها بتوصفنى
السؤال الثانى عشر: إذا شعرت بالحزن ماذا تفعل؟
بأتفرج عالتليفزيون
بأسمع قرآن
مش بأقعد لوحدى
بصلى و أدعى
السؤال الثالث عشر: هل يستمر معك الحزن فترة ام ينقضى فى الحال؟
على حسب السبب
بس ينقضى فى الحال دى مش بتحصل أوى
يعنى ممكن أقول لنفسى انا مش زعلان
بس بلاقى نفسى زعلان
السؤال الرابع عشر: ما رأيك فى الأفراد المتشائمين؟
بوررريه منهم بوررريه
مش كويسين خالص
اتجنبهم احسن
الواحد مش ناقص غم
علشان كده المتشأئم متلاقيش أصحابه كتير
و المتفائل الكل ملموم حواليه
هيه ..خلصت أخيرا
ناقص أكتب اسمى ورقم الجلوس بقى
هههههه

هناك 6 تعليقات:

Empress appy يقول...

انت ادبست يا ريس بالهنا والشفا
ربنا يسعدك ويقدرنى يا رب على اجابة البتاع ده

mohamed ghalia يقول...

أخى وحبيبى فى الله
لا ابدا مش محتاج رقم الجلوس والإسم انت ناجح ناجح ناجح ياولدى هههههههههههه
حقيقى إجاباتك رائعة تستحق ان تكون نموذج للسعادة
تقبل تحياتى
ودمت فى حفظ الله
وفى سعادة

mohamed ghalia يقول...

متشكر جداااااااا إنك قبلت التاج
ربنا يسعدك
ومبروك لحظة سعادة الأمس

wafaa يقول...

الله يسعد ايامك دكتر

تقبل مرورى

دعوة للأمل يقول...

اجاباتك جميلة و فيها امل
تحياتى لك

د.مادو يقول...

آآبى مبسوط بوجودك
ربنا يسعدك يارب
وعلى فكره انتى أحسن شخص يجاوب تاجز
____________
محمد غاليه
متشكر عالتدبيسه الجميلة
وربنا يديم الود يا جميل
___________
و فاء
ربنا يسعدك ويحقق لك كل آمالك
مرورك أسعدنى
_________
دعوه للأمل
مرورك بيبعث ف نفسى الأمل
.......كلكم أسعدتنونى بكلامكم الرقيق
شكرا