الأحد، نوفمبر 09، 2008

عودة الى الحضانة



بالصدفة وقع فى يدى كتاب للأطفال
من النوع اللى فيه قصص مصورة
و الطفل بعد ما يقرا القصة يلون الصورة
و لكن الكتاب ده مكنش فيه قصص مصورة


انما كان فيه سلوكيات و أفعال مصورة
لاقيت ان فيه ناس فينا محتاجه تعرفها أكثر من الطفل
أيوه ..محتاجينها
مش بس علشان يعلموها لأولادهم
لأ ..دول محتاجينها ليهم شخصيا
علشان هى سلوكيات مش عندهم
و أدى شويه أمثله لسلوكيات كانت بتناقشها الصور
اللى معلش مش حأعرف أرفعها

*لا أجلس مع المدخنين أبدا
*اساعد جارى ان كان محتاجا
*لا أرفع صوت المذياع حتى لا أزعج جيرانى
*احافظ على المرافق العامة ولا أقوم باتلافها
*لا القى القمامة من النافذة
*أصعد لمن أزوره ولا أنادى عليه من الشارع
*أساعد المحتاج فأدفع معه سيارته
*احترم الكبير عندما أتحدث له فلا أرفع صوتى ولا أضع يدى فى جيبى ولا اشيح فى وجهه
*أرد الى البائع المال الزائد ولا أخذه
*أنصر الضعيف و ادافع عنه
*اساعد امى فى تحضير الطعام
*لا آكل من الباعة المتجولين أبدا
*لا أشير لأحد بحديدة ولا سكينه وان كنت مازحا
*أدخل الحمام برجلى اليسرى و أقول دعاء الدخول
*لا اعاكس أحدا فى التليفون
*أقف فى الشرفة بملابسى ولا أعاكس أحدا
*أزور أقاربى و أصل رحمى
*أحترم معلمى و أستمع اليه واذا أردت سؤاله أرفع يدى بأدب
*لا أصاحب المفسد
*لا أرفع صوتى على أمى
*حيائى يمنعنى أن أكل فى الطريق العام
*لا التفت يمينا ويسارا و انا اصلى
*أجلس فى هدوء واعتدال أمام الاخرين
*لا أتكىء ولا أنام أمام الأخرين

ياترى كم شخص حوالينا محتاج يرجع تانى الحضانة
علشان يتعلم سلوكيات لسه ما اتعلمهاش
مع ان أطفال الحضانة عارفينها و بينفذوها

؟؟؟؟؟؟؟؟؟؟؟؟؟؟

هناك 10 تعليقات:

~*§¦§ Appy §¦§*~ يقول...

يوووووووووووووا كتيييييييييير

blue-wave يقول...

هههههههههههههههههههه
مش المشكله ان الناس تعرف
المشكله فى التنفيذ
تحياتى

fOsDö2ä يقول...

هههههههههههههههههههه
لو فيه مبادئ قبل دي كمان ...
فـ تأكد إن أغلبنا محتاجها ... !!
ربنا يهدي الجميع بقى ...

توبيك جميل و خفيف و فـ نفس الوقت مفيد ...
تسلم ايدك يا دكتور ... (f)

كلام حسام يقول...

كلنا محتاجين السلوكيات دي

موناليزا يقول...

يااه والله كويس انهم لسه بيعلموا الاطفال الحاجات دى
كنت بدأت انسى ان المفروض الناس كلها تعمل الحاجات دى
نشكرك بجد على هذا البوست القيم

wafaa يقول...

هما اطفال اليومين دول نافع معاهم كلام ولا صور برده ؟؟
لحن الكلام ده وهات واحدة تغنيه وتصوره هتلاقى الناس كلها حافظاه يا دكتر

mohamed ghalia يقول...

عندك حق والله
فى ناس كتير محتاجة تتعلم السلوكيات دى
دمت بود أخى العزيز

Geo Amr يقول...

يجب على الانسان قبل ما يربى اولادة يربى ويصلح من نفسه اولا لان فاقد الشئ لا يعطيه

د.مادو يقول...

أتمنى ان كلنا نبدأ بانفسنا
وقتها كلنا حنبقى كويسين
نورتونى برأيكم الجميل آبى و دكتور وفسدقه
واستاذ حسام وموناليزا و وفاء هانم
و غاليه وجيو عمرو
دايما منورينى مدونتى البسيطة بنوركم

Dr- Hema يقول...

الشعب العربى كله عايز يرجع الحضانة ليتعلم القيم والمبادىء من جديد

د/هيما